სელმა ოტილიანა ლოვისა ლაგერლოფი

სელმა ოტილიანა ლოვისა ლაგერლოფი (შვედ. Selma Ottiliana Lovisa Lagerlöf; დ. 20 ნოემბერი, 1858 — გ. 16 მარტი, 1940) — შვედი მწერალი, ქალი, რომელმაც პირველმა მიიღო ნობელის პრემია ლიტერატურის დარგში 1909 წელს.

ბიოგრაფია:

სელმა ლაგერლოფი 1858 წლის 20 ნოემბერს შვედეთის პროვინცია ვერმლანდში, მემამულის ოჯახში დაიბადა. 1881 წელს მამამისის ნების წინააღმდეგ სტოკჰოლმს გაემგზავრა მასწავლებლის პროფესიის მისაღებად. სწავლის დასრულების შემდეგ 1885 წელს ქალაქ ლანდსკრუნის სკოლაში მოეწყო სამუშაოდ. ამ ხანებში მისი პირველი წიგნი „საგა იოსტა ბერლინგზე“ (Gösta Berlings saga, 1891) ჩნდება. ამ წიგნში ფოლკლორული სიუჟეტები უხვად არის გამოყენებული, სწორედ ამ ნაწარმოებმა აქცია სელმა ცნობილ მწერლად. ამას ნოველების ორი კრებული მოჰყვა: „უხილავი ჯაჭვები“ (1894) და „დედოფლების კუნგაჰელაში“ (1899).

1901-1902 წლებში ლაგერლოფი თავის ერთ-ერთ ყველაზე მთავარ რომანს, „იერუსალიმს“ ქმნის, სადაც პალესტინაში ემიგრირებული შვედი ქრისტიანების შესახებაა მოთხრობილი.

მე პირადად მხოლოდ ერთი ნაწარმოები მაქვს წაკითხული (The Phantom Carriage) და ძალიან მომეწონა, ნაწარმოებებში ასახულია ცხოვრებისეული ტკივილი

გირჩევთ წაიკითხოთ „მეეტლე მოჩვენება“ საინტერესო და განცდებთან დაკავშირებული ნაწარმოებია, ძალიან კარგადაა წიგნში ასახული ცხოვრება რა ხანმოკლეა და რა მშვენიერი რისი თქმა შეიძლება მოვასწროთ და რა შეიძლება დაგვჩეს სათქმელი, სასტიკი და მწარე რეალობა ასეთია ჩემი აზრი. პერსონაჟს ერთი შანსი მაინც რჩება შეცდომა რომ გამოასწოროს აი ჩვენ კი ...

"მეეტლე-მოჩვენება" პირველად 1921 წელს შვედებმა გადაიღეს. ეს არის ნაწარმოები რომელიც დიდ კინოდ იქცა

სურათი მელოდრამისა და მისტიკის ჟანრს მიეკუთვნება. ფილმის რეჟისორი ვიქტორ შესტემი გახლდათ, რომელიც მთავარი როლის შემსრულებელიც იყო და სცენარის ავტორიც. ინგმარ ბერგმანი ამ ფილმს ყოველ ზაფხულს უყურებდა და თავის საყვარელ ფილმებს შორის ასახელებდა.

რამდენიმე ფრაგმენტი ფილმიდან